"S&P" Azərbaycanda bank sektorunun risklərini dəyərləndirib

"S&P" Azərbaycanda bank sektorunun risklərini dəyərləndirib

Bu ilin sentyabrın sonlarında Qarabağ münaqişəsinin alovlanması Azərbaycanın maliyyə göstəriciləri, xarici balans və makro-maliyyə sabitliyi üçün riskləri artırıb.

Bu barədə "S&P Global Ratings" agentliyinin açıqlamasında bildirilir.

"S&P" mütəxəssislərinin fikrincə, neft qiymətlərindəki düşüş Azərbaycanın iqtisadi inkişaf perspektivlərini daha da çətinləşdirir və bu da, öz növbəsində, həm potensial valyuta ucuzlaşmasına qarşı yüksək həssaslığa səbəb olur, həm də bank sektorunu yüksək iqtisadi tarazsızlıqlara məruz qoyur və aktivlərin keyfiyyətinə təzyiqi artırır.

Açıqlamada deyilir ki, bəzi banklar öz xərclərini çətinliklə ödəyəcək və bu ili çətinliklə itkisiz başa vuracaq. Səbəb olaraq, problemli kreditlərin 2020-ci ildə ikiqat artacağı və gəlirliliyin azalacağı göstərilir.

Agentlik bu il kreditləşmədə artım gözləməsə də, gələn il bu göstəricinin 8% artacağını proqnozlaşdırır. Ötən il artım 14,9%-ə bərabər olub.

Agentliyin proqnozlarına görə, bu il Azərbaycanda banklar tərəfindən yeni kreditlərin verilməsinin yavaşlayacağı gözlənilir. Bundan başqa, kreditlərin dəyərinin ortalama kredit portfelinə nisbəti 2015-2019 illərdə qeydə alınan 3,2%-dən 4%-dək artacaq.

Agentlik bu il Azərbaycanda problemli kreditlərin ümumi portfeldə payının ötənilki ilə müqayisədə 8,3%-dən 14,8%-dək, 2021-ci ildə isə 12,3%-dək azalacağını ehtimal edir. Lakin agentlik onu da bildirir ki, problemli kreditlərin həcminin artmasının pik nöqtəsi və aktivlərin böyük hissəsinin keyfiyyətinin pisləşməsi 2021-ci ildə dayana bilər.

"S&P"yə görə, manatın məzənnəsi volatil olan makroiqtisadi mühitdə təzyiq altında qalır və paritet qaydalarına uyğun olmayan düzəlişlər makroiqtisadi mühitin sabitliyini poza və bank sektorunda kredit risklərini artıra bilər: "Lakin biz başa düşürük ki, indiyədək yerli rezident əmanətləri yuxarı məzənnə ilə xarici valyutaya konvertasiya edilməyib və bank sistemindən birbaşa əsaslı depozit axını olmayıb".