Dünya Bankı bu il neftin orta qiymətini 44 dollar proqnozlaşdırır

Dünya Bankı bu il neftin orta qiymətini 44 dollar proqnozlaşdırır

Dünya Bankının son proqnozuna görə, 2021-ci ildə neftin bir barelinin orta qiyməti 44 dollar təşkil edəcək.

Bu barədə Dünya Bankının "Global Economic Prospects" hesabatında bildirilir.

Bu, ötən ilin orta göstərici ilə müqayisədə 8,1% çoxdur. Bank tərəfindən 2022-ci ildə isə neftin qiymətinin 13,6% artaraq 50 dollara çatacağı proqnozlaşdırılır.

Məlumat üçün bildirək ki, 2020-ci ildə xam neftin orta qiyməti 33,7% azalmışdı və ilkin hesablamalara görə, 41 dollar təşkil edib. Bank neftin orta qiyməti kimi "Brent", "Dubai" və WTI markalı neftlərin orta qiymətini götürür.

Xatırladaq ki, Azərbaycanın 2021-ci ilin dövlət büdcəsində neftin bir barelinin qiyməti 40 dollar səviyyəsində nəzərdə tutulub.